Me prøver å ha sundagsskule kvar sundag det er gudsteneste i Ytre Arna - viss det då ikke er gudsteneste for små og store; då er borna med gjennom heile gudstenesta.
Borna er saman med forsamlinga på starten av gudstenesta. Før tekstlesinga kjem den som har sundagsskulen fram, og så syng me sundagsskulesongen. Deretter går sundagsskuleborna over til kyrkjelydshuset. Vanlegvis er dei der til gudstenesta er slutt. Men den som har sundagsskulen kan òg bestemma at dei kjem tilbake i tide til å vera med på nattverden.
Ordet "sundagsskule" høyrest kanskje litt skremmande ut, men det er ikkje noko streng undervisning. Men me syng litt saman. Så fortel leiaren ei forteljing frå Bibelen. Etter det kan det vera fri leik og/eller tilbod om ymse aktivitetar. Sundagsskulen i kyrkja er ikkje delt i aldersklassar.
Dei fleste sundagar det ikkje er gudsteneste, er det sundagssamling på eit av bedehusa i soknet. Då er det oftast sundagsskule der òg.